Hevşaredarên navçeya Akdenîz a Mêrsînê Hoşyar Sariyildiz û Nuriye Arslan û 4 endamên meclîsa şaredariyê ji 10’ê Çile ve ji aliyê rayedarên dewletê ve hatin binçavkirin.
Desthilatdariya AKP-MHP’ê dema polîtîkaya xwe ya qirêj a li hemberî Kurdan didomîne, hewl dide pirsgirêka Kurd çareser bike. Li aliyê din hê jî kiryarên xwe yên dijhiqûqî yên li dijî Kurdan didomînin.
Piştî girtina Hevşaredarên navçeya Akdenîzê û endamên meclîsê, desthilatdariya AKP-MHP’ê bi biryar e ku siyaseta xwe ya qirêj bidomîne.
Gelê navçeya Akdenîzê ev 3 roj in li dijî binçavkirina hevserok û endamên meclîsê li ber xwe dide. Li aliyê din li her cihê ku Kurd lê dijîn, çalakiyên li dijî binçavkirin û destwerdanên şaredariyan dewam dikin.
Weke Platforma Kurdên Anatoliya Navîn em bi israr tekez dikin ku ev biryara tifaqa faşîst a AKP-MHP’ê li dijî pîvanên demokrasî û mafên mirovan e. Em wek PKAN van kiryaran ne rewa dibînin û bi tundî şermezar dikin.
Weke PKAN em bang li hemû gelê Kurd û Tirk dikin ku li dijî zilma vê desthilatdariyê mafên xwe yên demokratîk bi kar bînin û li dijî vê neheqiyê dengê xwe bilind bikin.
