Li Swêdê, roja Yekşem, 13ê Îlona 2026an, dê hilbijartinên giştî, yên şaredariyan û yên herêman bên lidarxistin.
Li Swêdê hilbijartin her çar salan carekê û di demeke diyarkirî de pêk tên. Ji ber vê yekê ji berê ve tê zanîn ku hilbijartinên nû yên Parlamentoya Swêdê (Riksdag) dê roja Yekşem, 13ê Îlona 2026an, bên kirin.
Di van hilbijartinan de, her dengdêr dê sê dengan bide:
🔹 Dengekî ji bo Parlamentoya Swêdê (Riksdag)
🔹 Dengekî ji bo Meclîsa Şaredariyê (Kommunfullmäktige)
🔹 Û dengê sêyemîn ji bo Meclîsa Herêmê (Regionfullmäktige)
Tê texmînkirin ku di van hilbijartinan de bi giştî nêzîkî 100 namzetên kurd hene. Ji van jî, di navbera 15 û 20 namzetan de ji Kurdên Anatoliya Navîn in.
PKAN bang li hemû Kurdên Anatoliya Navîn ên li Swêdê dijîn dike:
Roja 13ê Îlona 2026an, herin ser sindiqan û mafê xwe yê dengdanê bi kar bînin!
Kurdên Anatoliya Navîn dikarin bi dengê xwe piştgiriyê bidin namzetên xwe û di avakirina pêşeroja siyasî de cihê xwe bigirin. Her dengek dengekî xurttir e ji bo temsîliyet, nasname û mafên me.
Mafê xwe yê dengdanê bi kar bînin – da ku îradeya me li sindiqan bê dîtin û bê hesibandin!
Em ji hemû namzetan re serkeftinê dixwazin.
Navê kesên ku di hilbijartinan de weke berendam cîh girtine ev in:
Serkan Köse Sosyaldemokraterna Nynäshamn
Bengi Aslan Sosyaldemokraterna Huddinge
Zaire Kanat Yıldırım Miljöpartiet Huddinge
Bekir Uzunel Vänsterparti Botkyrka
Miran Inal; Sosyaldemokraterna Botkyrka
Deniz Bulduk; Miljöpartiet Botkyrka
Esma Güler; Sosyaldemokraterna Stockholm
Gurbet Celep; Sosyaldemokraterna Haninge
Şilan Biçen; Sosyaldemokrater Stockholm
Kadir Kibar; Sosyaldemokrater Botkyrka
Yasemin Ergül; Sosyaldemokrater Botkyrka
PLATFORMA KURDÊN ANATOLIYA NAVÎN – PKAN
